Auzitegi Gorenak berretsi du 2026ko urriaren 22ko 1.644/2026 eta 1.645/2026 epaien bidez autoen kartelak kaltetutako kontsumitzaileek kalte-ordaina eskatzeko aukera izan dezaketela, beren ibilgailuak erostean jasandako kalteengatik.
Kalte-ordainaren erreferentzia ibilgailuaren erosketa-prezioaren % 5ean kokatzen da; gutxieneko kalte-ordaina, berriz, % 2tik % 5era bitartekoa izan daiteke, kasu bakoitzaren inguruabarren arabera.
Zer izan zen autoen kartela?
2006tik 2013ra bitartean, hainbat automobil-fabrikatzailek informazio komertziala trukatu zuten, lehiakortasuna murrizteko helburuarekin. Jardunbide horiek merkatuaren funtzionamenduari eragin zioten, eta kalte egin zieten aldi horretan ibilgailuak erosi zituzten kontsumitzaileei.
Enpresen erantzukizun solidarioa
Auzitegi Gorenak kartelan parte hartu zuten enpresen erantzukizun solidarioa berretsi du. Horrek indartu egiten du ibilgailua erostean jasandako gainkostuagatik kalte-ordaina eskatu nahi duten kontsumitzaileen babesa.
Zer eska dezakete kontsumitzaileek?
Kartelak eragindako ibilgailu bat erosi zuten pertsonek kalte-ordaina jasotzeko eskubidea izan dezakete. Zenbatekoa kasu bakoitzaren inguruabarren eta ebazpen judizialek ezarritako irizpideen arabera aztertu beharko da.
Euskadiko Kontsumitzaileen Batasunak (EHKB) kontsumitzaileen eskubideak defendatzen jarraitzen du, kaltetuei informazioa eta banakako aholkularitza eskainiz, eta ebazpen judizialak bete daitezen beharrezkoak diren jarduerak sustatuz.
2006tik 2013ra bitartean autorik erosi zenuen? Jarri harremanetan EHKBrekin, eta galdetu ea kalte-ordaina eskatzeko aukera duzun.