Urriaren 31tik azaroaren 8ra, «1m² basuralezaren aurka» kanpainaren edizio berri bat egingo da. LIBERA proiektuak sustatutako ekimen honen helburua herritarrak mobilizatzea da, natura-inguruneetan abandonatutako hondakinak biltzeko eta gure inguruneak garbi mantentzearen garrantziaz kontzientziatzeko.
Aurtengo edizioaren berrikuntza nagusia Let's Clean Up Europe Europako ekimenarekin bat egitea da. Ekimen horrek hondakinen prebentzioarekin eta bilketarekin konprometitutako milaka pertsona, erakunde eta administrazio biltzen ditu. Lankidetza horri esker, Espainian garatutako jardueren irismena handitu eta jasangarritasunaren aldeko konpromiso kolektiboa indartu ahal izango da.
Nola parte hartu?
Parte hartu nahi duten pertsonek, elkarteek eta erakundeek beren hondakin-bilketa gunea antola dezakete, natura-inguruneen kontserbazioan aktiboki laguntzeko.
LIBERA proiektuak hainbat baliabide eskaintzen ditu, hala nola eskularruak, poltsak eta baskula bat. Horrez gain, parte-hartzaileentzako asegurua, online prestakuntza eta jarduera zabaltzeko materialak ere eskaintzen ditu.
Era berean, kanpainak herritarren zientzia sustatzen du, doako Basuraleza aplikazioaren bidez. Aplikazio horrek aurkitutako hondakinak erregistratzeko eta ingurumen-kutsaduraren arazoa hobeto ezagutzeko informazio baliagarria biltzeko aukera ematen du.
Ingurune jasangarriago baten aldeko betekizuna
EHKBtik, ohitura arduratsuak sustatzearen eta herritarrak ingurumenaren babeserako ekimenetan inplikatzearen garrantzia azpimarratzen dugu.
Hondakinak murriztea, kontsumo arduratsua sustatzea eta gure natura-inguruneak zaintzea funtsezkoak dira gizarte jasangarriago baterantz aurrera egiteko.
Izena emateko epea azaroaren 5era arte egongo da zabalik, materialik behar ez duten bilketetarako.
Kanpainari eta hondakinak biltzeko guneen antolaketari buruzko informazio guztia LIBERA proiektuaren webgune ofizialean dago eskuragarri.