ECOEMBESek, Espainia osoan ontzien birziklapena koordinatzen duen ingurumen-erakundeak, kanpaina berri bat abiarazi du, ekonomia zirkularraren garrantzia herritarrei transmititzeko. Erakundeak kontzeptu hori ulergarri egin nahi du, gure egunerokotasunean gero eta presentzia handiagoa duena, baina bultzada bat eman behar zaiona. "Erabili eta bota" eredua atzean uzteko beharra ikusarazi nahi da, eta gure bizitzako esparru guztietan murriztearen, berrerabiltzearen eta birziklatzearen alde egin.
Kanpaina telebista iragarki batek indartzen du. Bertan, gure bizitzako ibilbide zirkularraren eta edari-botila baten arteko antzekotasuna egiten da. Edaria kontsumitu eta birziklatu ondoren, arropa-jantzi bihurtzen da, edo beste botila berri bat, eta, horrela, hondakintzat jotzen duguna baliabide gisa tratatzeko kontzeptua adibidetzat hartzen da. Iragarkiaren amaieran, mezu batek bizimodu zirkularra hartzera bultzatzen du, ingurumena gehiago errespetatzen duena, eta murrizten, berrerabiltzen eta birziklatzen jarraitzera.
Hori dela eta, UCE/EHKB Euskadik, Ecoembesekin batera, ekonomia zirkularrari eta kontsumo arduratsuari buruzko jardunaldia antolatu du Bilboko Botika Zahar Institutuan, Batxilergoko 1. mailako maila guztietarako.