Ogiaren hiztegi berezi hau amaitzera doa. Azken artikulu hau ulertzeko, ez ahaztu zer den ogi arrunta.
Ogi arrunta. Okindegietako betiko ogia da. Erretzen denetik 24 orduren barruan kontsumitu behar da. Irin bat edo gehiago izan ditzake, integralak edo ez; zerealen zahia ere izan dezake.
Ogi berezia. Arrunta ez den ogia. Berezia da irin tratatuak dituelako, edo zereala ez den osagai bat duelako, edo ogi arrunta egiteko erabiltzen ez den prozeduraren bat erabiltzen delako.
(zerealaren izena-)ogia. Ekoizleak erabakiko du zein zereal edo hazi nahi duen nabarmendu izendapenean, eta zer portzentajea duen azaldu beharko du.
Zereal askoko ogia. Hiru irin-mota edo gehiagoz egindako ogia; irinetako bik, gutxienez, zereal-irinak izan behar dute. Irin bakoitzak % 10eko proportzioa izan behar du, gutxienez, eta zereal-irinek, guztira, % 30ekoa, gutxienez.
Vienako ogia, elur ogia edo bonboi ogia. Gari-irinezko ore bigunez eta beste osagai batzuez ?hala nola azukrea, esnea, koipea, olioa? egindakoa.
Ogi txigortua. Erre ondoren, xerratan moztu, txigortu eta ontziratu egiten da.
Biskotea. Moldetan eta estalita erre ondoren, xerratan moztu, txigortu eta ontziratu egiten da.
Opil meheak, ogi-txotxak edo ogi-txigorkiak. Mami lehorreko ogi-puskak, kurruskariak; koipeak izan ohi ditu.
Moldeko ogia. Molde batean barruan erretakoa.
Ogi birrindua. Birrinketa industrialez lortua. Debekatuta dago kontsumorako ogi-hondakinekin egitea ogi birrindua.
Egilea:Kontsumobide