Hemen zaude

Kaltegarri gerta zitezkeen 80 produktuko 20.000 aletik gora kendu zuen merkatutik iaz Osasun eta Kontsumo Sailak

Asteazkena, Apirila 11, 2012
Kaltegarri gerta zitezkeen 80 produktuko 20.000 aletik gora kendu zuen merkatutik iaz Osasun eta Kontsumo SailakGuztira, 6.303 ikuskaritza-ekintza burutu zituen 2011 urtean zehar, Kontsumobidek eskeinitako datuen arabera

Oro har, 2011 urtean, 6.303 ikuskapen-jarduera egin dira, 4.077, erreklamazioengatik; 1.018 ikuskapen-kanpainengatik, 1.034 alerta-sareengatik, eta 174, beste jarduera batzuengatik. Jasotako 2.619 alertetatik, alertan jarritako 80 produktu lokalizatu dira, eta 20.173 ale erretiratu dira merkatutik.

Hauek dira 2011ko ekitaldian egin diren ikuskapen-kanpaina nabarmenenak, eta haietatik ateratako ondorioak, Kontsumobide-Kontsumoko Euskal Institutuak ezagutzera eman duenez:

1.- Publikoarentzako salmenta-prezioei (PSP), merkataritza-ordutegiei eta erreklamazio-orriei buruzko kanpaina:

Establezimenduen % 89,7k produktuen prezio guztiak erakusten ditu erakusleihoan, eta % 98,4k, barnean ere bai. Establezimenduen % 96k behar bezala ageri du zer merkataritza-ordutegi duen, eta % 97,3k erreklamazio-orriak badituztela iragartzen duen kartelik jartzen du, edota eskura dauka, ikuskapena egin zaien unean.

2.- Belzteko zentroetan nahitaez izan behar duten informazioa kontrolatzeko kanpaina:

Belzteko aparatuak erabiltzen dituzten langileek bazuten, oro har, ziurtagiri egokia, eta EE markarekin bat datozen edo ez datozen ziurtatzeko etiketa ere bazuten.

Ikusgai izan behar dituzten informazio-karteletan ez-betetze batzuk atzeman dira; beste zenbait kasutan, azalaren fototipoei buruzko taulak ez dituztela ikusi da, edo esposizio-denborarik ez dela ageri, bezeroen fitxetan ere datuak betetzeke zeudela, zentroek egiten duten publizitatean ere atzeman dira ez-betetzeak, prezioak ere ez dituzte ageri zenbaitetan eta erreklamazio-orriak dituztela dioen informaziorik ere ez beste batzuek, edo zenbaitek, eduki ere ez zituzten.

3.- Ikuspen handiko txaleko islatzaileak kontrolatzeko kanpaina:

Ikuskatutako txaleko guztiek zuten EE marka eta PSPa; betetzen zituzten diseinu-baldintzak eta badute liburuxka. % 94k bazuen nahitaezko informazioa eduki behar duen etiketa; % 83,3k jasotzen ditu identifikazio-datuak eta helbidea, fabrikatzailearen informazio-liburuxkan; % 93,3k nola erabili, mantendu, gorde eta garbitu behar den zuzen azaltzen du; % 44,4k UNE arauekin bat datozela egiaztatzeko informazio zuzena ematen du; % 80k ageri du UNE arauaren zenbakiari eta urteari buruzko informazioa, bai eta txaleko-ehunaren osaerari buruzkoa ere, eta % 26,7k bandetan fabrikatzailearen izena ageri du ikusteko, irakurtzeko eta ezin ken daitekeen moduan.

4.- Zerbitzu-emaileek beren identifikazio- eta harreman-datuak zerbitzu hartzaileei emateko betebeharra betetzen duten kontrolatzeko kanpaina estatala:

Guztiek ematen die kontsumitzaileei aurretiko informazioa, ageri dute erreklamazio-orriak badituztela, eta eduki ere benetan badituzte.

5.- Txikizkako merkataritzaren titularrek ontziratutako produktuetan kontsumitzaileari ematen zaion informazioaren funtsezko eta oinarrizko alderdiak kontrolatzeko kanpaina:

Protokolo-item-en % 85,7 egokiak dira.

6.- Bitamina eta mineraldun esnearen laginak hartzeko kanpaina:

Egindako saiakuntzen % 100ek betetzen du araua.

7.- Haurren jantzien (14 urte bitarte) laginak hartzeko kanpaina:

Jantzien segurtasunari, osaeraren adierazpenari eta arduradunaren helbideari buruzko ez betetze gutxi batzuk izan dira.

8.- Jostailuen etiketak eta segurtasuna kontrolatzeko kanpaina:

Laborategira bidalitako 24 laginetatik 15en emaitzak ditugu; bat, alerta-sarean jarriko da (imanak dituen igeltsuzko moldeak). 2 komunikazio egin dira.

Jostailuen 48 protokolo egin dira, 880/1990 Errege Dekretuaren arabera, eta 6 protokolo, 1205/2011 Errege Dekretuaren arabera. Ia jostailu guztiek betetzen dituzten etiketa-betekizunak.