Eskubide Sozialen, Kontsumoaren eta 2030 Agenda Ministerioak Bizum bidez antzemandako iruzur-modalitate berriez ohartarazi du. Bizum gaur egun gehien erabiltzen den berehalako ordainketa-sistemetako bat da.
Iruzurrak, gehienetan, erabiltzaileei diru-eskaerak bidaliz egiten dira, aitzakia faltsuak erabilita eta erosle, zerbitzu tekniko edo baita ezagun baten itxura hartuta ere. Kasu askotan, zibergaizkileek sistema honen berehalakotasuna eta azkartasuna aprobetxatzen dituzte nahasmena sortzeko eta biktimak ordainketa bat jasotzen ari dela pentsatzea lortzeko; benetan, ordea, diru-transferentzia bat baimentzen ari da.
Kontsumoaren arlokoek gogorarazi dute garrantzitsua dela jakinarazpenak arretaz berrikustea eta edozein eragiketa onartu aurretik egiaztatzea diru-eskaera bat edo diru-sarrera bat den. Halaber, gomendatzen da presaz jardutera bultzatzen duten mezu susmagarriez mesfidatzea eta datu pertsonalak edo bankukoak egiaztatu gabeko kanalen bidez ez partekatzea.
Era berean, banku-aplikazioetako segurtasun-neurriak aktibatuta mantentzea eta mugimendu susmagarriren bat antzemanez gero finantza-erakundearekin harremanetan jartzea gomendatzen da.
EHKBtik gogorarazten da prebentzioa eta informazioa funtsezkoak direla gero eta ohikoagoak eta sofistikatuagoak diren iruzur digitalen aurrean babesteko.
“Nuevas estafas detectadas a través de Bizum” – Ministerio de Derechos Sociales, Consumo y Agenda 2030