“1m² basuralezaren aurka 2026” kanpainan parte hartzeko izen-ematea irekita dago jada. Ekimen honen helburua herritarrak natura-inguruneetan abandonatutako hondakinak biltzera mobilizatzea eta ingurumenenean utzitako hondakinen inpaktuaz kontzientziatzea da.
Kanpaina maiatzaren 30etik ekainaren 7ra bitartean egingo da, eta edozein pertsona, kolektibo edo erakundeek bere bilketa-puntua antolatzeko aukera izango du, ingurunea hobetzen eta zaintzen lagunduz.
Parte-hartzaileek jarduera garatzeko laguntza jasoko dute, besteak beste, bilketa-materialak, boluntarioentzako asegurua, aldez aurreko online prestakuntza eta bilketa-puntuaren informazioa kudeatzeko eta eguneratzeko plataforma baterako sarbidea.
Epeak direla eta, materiala eskatzeko aukera maiatzaren 24ra arte egongo da (maiatzaren 17ra arte Kanarietan, Ceutan eta Melillan), eta materialik eskatu gabe izena emateko epea ekainaren 4ra arte luzatuko da.
EHKBtik herritarrak halako ekimenetan parte hartzera animatzen dira, kontsumo arduratsuagoa sustatzen baitute eta hondakinen kudeaketa egokiari eta ingurumenaren babesari buruzko kontzientzia handitzen laguntzen baitute.