Europako Banku Zentralak (EBZ) euro digitalaren proiektua garatzen ari da, herritar guztiek erabili ahal izan dezaten, adina, gaitasun digitalak edo egoera ekonomikoa edozein dela ere.
Proiektuaren lehentasunetako bat irisgarritasuna da; hau da, euro digitala erraz erabiltzeko modukoa izatea bai aurrez aurreko ordainketetan bai online eragiketetan. Horretarako, EBZ hainbat irtenbide aztertzen ari da, ordainketak gailu desberdinen bidez egiteko aukera emango dutenak eta teknologiarekin zailtasunak dituzten pertsonei erabilera erraztuko dietenak.
Beste alderdi garrantzitsu bat da euro digitalak inor ez uztea sistematik kanpo. Horregatik, zenbait egoeratan interneteko konexiorik gabe ere erabiltzeko aukerak aztertzen ari dira, baita adineko pertsonentzat edo desgaitasuna dutenentzat erabilera errazteko neurriak ere.
Euro digitalak ez du diru fisikoa ordezkatuko; aitzitik, ordainketak egiteko aukera digital osagarri bat izango litzateke eurogunearen barruan modu seguruan erabiltzeko.
EHKBtik azpimarratzen dugu finantza arloko berrikuntza guztiek kontsumitzaileen babesa, finantza-inklusioa eta irisgarritasun unibertsala kontuan hartu behar dituztela, kolektibo batzuk ordainketa-sistematik kanpo gera ez daitezen.