Azken urteotan, banku-erakunde askok beren bulegoetako operatiban murrizketak ezarri dituzte, kanal digitalen erabilera lehenetsiz eta aurrez aurreko arreta murriztuz. Joera horrek, aldaketa teknologiko eta antolakuntzazkoei erantzuten badie ere, zailtasunak sor ditzake kolektibo jakin batzuen artean, bereziki adinekoen edo tresna digitalen erabilerara sarbide txikiagoa dutenen artean.
Bankuek baldintzak edo mugak ezar ditzakete leihatilan egiten diren zenbait eragiketatan, hala nola diru-sarrerak, diru-ateratzeak edo ordainketak egiteko orduan. Hala ere, murrizketa horiek modu argi, garden eta ulergarrian jakinarazi behar zaizkie bezeroei, nahasmena edo babesgabetasuna saihesteko.
Garrantzitsua da nkontsumitzaileek zerbitzu egokia jasotzeko eskubidea dutela eta beren kontuen erabilera-baldintzetan edo arreta-kanaletan egindako aldaketen berri aldez aurretik jasotzeko eskubidea ere badutela. Gainera, bankuek alternatiba egokiak eskaini behar dituzte ohiko kudeaketak egiteko, batez ere baliabide digitalak erabili ezin dituztenentzat.
EHKBtik gogorarazten dugu digitalizazioak ez duela finantza-bazterketa ekarri behar. Banku-erakundeek herritar guztien beharretara egokitutako sarbide bidezkoa bermatzeko ardura dute.
Jutifikazio gabeko murrizketak edo informazio falta emanez gero, kontsumitzaileek erreklamazioa jar dezakete beren bankuan eta, beharrezkoa bada, dagokien erakunde gainbegiratzailera jo.