Emozioek bultzatutako erosketak uste baino ohikoagoak dira. Estresa, asperdura, tristura edo poza bezalako egoerek benetan behar ez diren produktuak erostera eraman dezakete, berehalako asebetetzea bilatuz; hala ere, sentsazio hori askotan iragankorra izaten da.
Kontsumo emozionala unean uneko bulkadari erantzuten dion kontsumo mota da, eta benetako beharren ordez aldartearekin lotuta egoten da. Erosketa horiek une bateko ongizatea eman dezaketen arren, gastu handiagoa, beharrezkoak ez diren produktuen pilaketa eta damua ere ekar ditzakete.
Horren aurrean, kontsumo kontzienteak erosi aurretik hausnartzea proposatzen du: benetako premia bati erantzuten ote zaion aztertzea eta kontsumo-erabaki bakoitzaren ondorio ekonomikoak, sozialak eta ingurumenekoak baloratzea. Erosi aurretik denbora pixka bat itxarotea, erosketa-zerrenda egitea edo aurrekontu bat ezartzea bezalako ohiturek erosketa inpultsiboak saihesten lagun dezakete.
Kontsumo-ohitura arduratsuagoak hartzeak ekonomia pertsonala eta familiarra hobetzen laguntzeaz gain, kontsumo jasangarriagoa eta pertsona bakoitzaren benetako beharretara egokituagoa sustatzen du.