Adimen artifiziala duten jostailuak gero eta presentzia handiagoa dute haurren merkatuan. Robot interaktiboek, hitz egiten duten panpinek, ahots-laguntzaileek edo konektatutako gailuek joko eta ikaskuntza esperientzia berriak eskaintzen dituzte, baina, aldi berean, pribatutasunarekin, segurtasun digitalarekin eta teknologiaren erabilera arduratsuarekin lotutako erronkak ere planteatzen dituzte.
Produktu horietako askok datu pertsonalak bildu, elkarrizketak grabatu edo internetera konektatu daitezke erabiltzaileekin elkarreraginean aritzeko. Horregatik, kontsumoaren eta segurtasun digitalaren arloko adituek gomendatzen dute gailuaren ezaugarriak arretaz aztertzea erosi aurretik, bereziki datuen babesari eta guraso-kontrolerako aukerei dagokienez.
Gomendio nagusien artean daude jostailuak zer informazio biltzen duen egiaztatzea, pasahitz seguruak erabiltzea, gailuak eguneratuta mantentzea eta haurrek egiten duten erabileraren denbora eta modua gainbegiratzea. Era berean, adin bakoitzerako egokiak diren produktuak aukeratzea eta denda edo plataforma fidagarrietan soilik erostea aholkatzen da.
Alderdi teknikoez gain, kontsumoaren arlotik azpimarratzen da garrantzitsua dela adingabeei teknologia horien erabileran laguntzea, txikitatik heziketa digital kritiko eta arduratsua sustatuz.
EHKBtik gogorarazten da teknologia berriak haurren arloan txertatzeak informazio, gainbegiratze eta segurtasun-irizpide egokiak behar dituela, adingabe kontsumitzaileak behar bezala babesteko.